自製婚紗相slideshow

自己一直想整兩條slideshow：一條婚紗相slideshow席前播＋一條成長片開席時播。

藏愛都已經有大小相簿相架，為何仍要弄slideshow？

其一是馬場有一個105吋的大屏幕，席前總要loop住播些影片；其二是自己的心理關口，仍然不太滿意婚紗相中的自己，總是看不慣，亦後悔加相。

如果整slideshow可以再篩選一下相片，加上我覺得slideshow始終是"郁住睇"，較難看清相片的瑕疵，再配上喜愛的音樂，相片頓時生動起來。

所以我亦考慮將大相簿收起留待自己觀賞，婚宴當天只播slideshow，不過我覺得家人及elmo仔應該會反對，

一定會說：影咗梗係唔好嘥、大相簿睇得清楚啲......（下刪二千字）


一方面努力找成長片段的照片，scan完又想改，重複又重複都未send畀操刀的朋友，一定要今個星期完成！！！

另一方面，由於怕用盡人情牌，所以簡單的婚紗相slideshow由自己操刀！試過下載網上大熱的會聲會影軟件，不過低智能的我覺得介面太複雜又花時間，

最好有現成又不太娘的template一次KO，所以最後都放棄。


幸好，突然記起早前有舊同事曾經share 她的婚照slideshow，更從slideshow中認識animoto    。

Animoto簡單易用，備有十多款不同主題動畫效果，只要將相片／影片drag入project，即可製成一條見得人的slideshow！

第一次試用Lite版本，只有30秒，不過已可看到不同的動態效果，之後我立即網上付美金5元／月，試著整十多次，不同相片排列方法／音樂／動態效果。

不過影片像數只有320p，不足以放上大電視，所以我亦upgrade影片成高清720p，亦只需多付美金6元。

前前後後付了美金11元，港幣數十元已可大功告成！